Åkrehamn vidaregåande skole

Åkrehamn vidaregåande skole

Postadresse: Postboks 43, 4296 Åkrehamn

Besøksadresse: Skoleveien 11, 4270 Åkrehamn

Telefon: 52 81 42 00

Kontaktperson: Hege Elisabeth Melkevik, 51923312, 91574264, hege.elisabeth.melkevik@skole.rogfk.no

Antall produksjoner: 7

  • Alle

BADBOY: STEROID

Litteratur, Trinn: VG1-VG3
Kor langt er du villig til å gå for å få ein perfekt kropp?Sjølveksponering og kroppspress kan få sjølv den sterkaste til å gje etter for lettvinte løysingar. Annette Münchs Brageprisvinnande bok Badboy: steroid baserer seg på samtalar med unge brukarar av anabole steroid.Badboy: steroid blir her presentert som ein multimedieproduksjon med spesialskriven hiphop-musikk av Erik og Kriss, filmintervju, fotokunst, lyddesign og høgtlesing av forfattaren sjølv. Elevane vert utforda til refleksjon rundt tema som doping, eteforstyrring og kroppspress.
Badboy: steroid er ein spenningsroman om 17 år gamle Casper. Han mister alt. Først luksustilværet hjå mora sin sambuar og deretter drøymedama. Lillebroren hamnar i bråk og mora sin nye kjærast invaderer kvardagen. Så dukkar Liam opp med middelet som Casper treng for å gjenvinna respekt og kontroll over eige liv. Han bestemmer seg for å bli ein «badboy».
Elevane får lasta ned ein gratis versjon av halve boka rett på mobilen og det er sett av tid til spørsmål og svar. Ein kjem inn på kor elevane kan få hjelp og svar på spørsmål knytt til kroppspress, eteforstyrringar og doping.

DEN SORTE FLOKKEN

Visuell kunst, Trinn: VG1-VG3
Vi snakkar ofte om ungdomsåra. Med glød eller grøss. Kva forma meg? Kven møtte eg og kven gjekk eg frå? Kva høyrde til meg og kva trakk eg meg mot? Opprivande, intense år kan flytta fokus vekk frå framtid og mogelegheiter. Er det lettare å kjenna seg marginalisert i eit tilsynelatande velsmurt miljø? Korleis finn ein flokken sin?

Fotograf Marie von Krogh har følgt ein gjeng ungdommar i Stavanger gjennom fleire år. Det har blitt ein bildeserie og utstilling om tenåringsliv frå ein by som kan synast å by på det meste du kan ønska deg. Gjennom bilde og føredrag lærer elevane om korleis fotografen jobbar for å koma tett på menneska og historiene, korleis den kreative prosessen går føre seg i møte med menneska og deira personlege historie. Von Krogh vil snakka om tema som ungdomsår, stereotypar og identitet, og gi døme på korleis kunsten gjennom historia har tematisert utanforskap.
Skulane får tilbod om å ha utstillinga Den sorte flokken hengjande nokre dagar før fotografen besøker skulen. Utstillinga kan tilpassast rom på skulane.
Alternativ 1: 45 minutt bildevising og føredrag (maks 90 deltakarar).
Alternativ 2: Heildags verkstad. Målet er å få ungdommane til å tenkja over korleis bilde skapar forteljingar om andre personar, kva som definerer identitet og korleis fordommar og stereotypar oppstår. Ungdommane vil bli betre kjende med ein medelev gjennom ein-til-ein-intervju, og skal deretter portrettera medeleven på ein måte som fortel noko om eleven. Von Krogh vil også demonstrera enkle verktøy for betre fotografi, som komposisjon og bruk av naturleg lys (maks 30 deltakarar).

DIN SEKSUALITET - EN PRIVATSAK?

Kulturarv, Trinn: VG1-VG3
Ei reise i seksualtitetens kulturhistorie
Eit engasjerande, visuelt og interaktivt foredrag der dagens syn på seksualitet vert spegla i eit kulturhistorisk perspektiv. Formidlinga har stor vekt på det visuelle uttrykket og elevane vert involverte i formidlinga ved bruk av Kahoot og spørsmål undervegs.
Seksualiteten er ei brusande kraft som sparkar i gang kreativitet, initiativ og skapartrong. Likevel er den frykta, tabubelagt og skamleg. «Vi opplever seksualitet som
noe privat og personlig ingen andre har noe med.
Men i virkeligheten er det også et offentlig anliggende»
seier lærar, kurs- og foredragshaldar Kjersti Helgeland.
Korleis vi snakkar om seksualitet, om seksuelle skjellsord
og seksuell trakassering, kva har det å seie? Gjennom eksempel fra ulike kulturar og tider formidlar ho innsikt i korleis våre personlege haldningar og seksuelle åtferd vert påverka av ulike strukturar i samfunnet vårt – eller er det kanskje omvendt..?
Ein kan knyta formidlinga til læremål i ulike fag som t.d. historie, samfunnsfag, psykologi, medie- og helsefag.
Produksjonen er utvikla i samarbeid med DKS Akershus.

HIPHOP! Dans og graffiti

Scenekunst, Trinn: VG1-VG3
Dette verkstedet har med stor suksess besøkt mange skoler. Hiphop engasjerer!Klasserommer transformeres og blir til en utradisjonell scene for en danseforestilling. Klassen deles i to - én gruppe tegner grafitti som projiseres mot scenen ved hjelp av overheads, og én gruppe setter sammen en dans basert på grunnleggende hiphop.Verkstedet sendes ut med to dansere, Chriz og Jens. Sammen med disse og tegner Geir skaper elevene sitt eget uttrykk, og om alle vil, kan det bli en visning til slutt! Hvert verksted tilpasses elevene.

MELTING

Musikk, Trinn: VG1-VG3
Veit du eigentleg kor mange gonger du kan fly til Thailand før jorda går under? Eller kor mykje CO2 det kostar å laga ei teaterforestilling?
MELTING er tre ting på ei gong; føredrag, konsert og teater. MELTING er politisk analyse, musikk framført på vinglas, og ein enorm roterande installasjon som fyller scenen og gir assosiasjonar til verdsrommet. Det handlar både om det store systemet og det vesle mennesket. 
– Kva skjer når isen smelter? Når økonomien smelter?
– Kva skjer når samfunn, velferdsstat, fellesskap, offentleg kunstfinansiering og framtidsutsiktene våre smelter?
MELTING er eit samarbeid mellom Amund Sjølie Sveen, installasjonskunstnar Lawrence Malstaf og musikarane i Slagr.

SKAMLØS

Litteratur, Trinn: VG1-VG3
Korleis finn du deg sjølv når andre fortel deg kven du skal vere?

Nancy Herz, Sofia Nesrine Srour og Amina Bile har samla inn
historier frå jenter som har opplevd negativ sosial kontroll. I boka
Skamløs diskuterer dei korleis det er å bli konstant korrigert og
skambelagt, og deler eigne erfaringar på vegen mot fridom.
Og i tillegg sine beste hijab hacks.

Herz, Srour og Bile starta rørsla som i media blir kalla
“Dei skamlause jentene”, og som for alvor sette negativ sosial
kontroll på dagsorden. Dei har mellom anna motteke Fritt Ords
Honnør i 2017 for arbeidet sitt. Skamløs stormar inn i vår tids store
kulturkonflikt, væpna med faktakunnskap, openheit og med ein god
porsjon humor. Gjennomgåande i boka er gode råd til ærbare jenter,
som til dømes: «Tenk på deg sjølv som ein Twist. Du er ikkje verdt
noko utan papiret på.»
​​​​​​​
Nancy Herz, Sofia Nesrine Srour og Amina Bile kjem til skulen og vil
ta opp ulike tema med utgangspunkt i sosial kontroll.
Elevane vert inviterte til å koma med eigne utsegn om sosial kontroll
i forkant av besøket.

SMED FOR EIN DAG

Kulturarv, Trinn: VG1-VG3
Smed for ein dag er eit undervisnings- og opplevingsopplegg tufta på solide kunnskapar i tradisjonshandverk. Elevane får ei kort innføring i smedfaget, og jobbar parvis ved feltessene etterpå. Dei får erfaring med oppfyring, manuell innblåsing av luft, og i tillegg bruk av ulike typar verkty. I prosessen tileignar dei seg materialkunnskap om smijern. Alle elevane får smi si eiga eldrake.
For hundre år sidan var det smie på dei fleste gardar, og alle bygder hadde smeder. Terje Granås er ein av dei som har tileigna seg kunnskap om handverket, og han vidareformidlar tradisjon og teknikkar frå dei gamle bygdesmedane. Han arbeider som smed på heiltid, og har sveinebrev i faget og over 20 års erfaring. Han har også vore smed-stipendiat i tre år ved Norsk Håndverksinstitutt.

Uttrykksform
Åpne filter