Sandnes Videregående skole

Sandnes Videregående skole

Postadresse:

Besøksadresse: Jønningsheiveien 45, 4316 Sandnes

Telefon: 51 92 34 00

Kontaktperson: Ragnhild K. Thordal, 90559671, ragnhild.kristiansen.thordal@skole.rogfk.no

Antall produksjoner: 8

  • Alle

BADBOY: STEROID

Litteratur, Trinn: VG1-VG3
Kor langt er du villig til å gå for å få ein perfekt kropp?Sjølveksponering og kroppspress kan få sjølv den sterkaste til å gje etter for lettvinte løysingar. Annette Münchs Brageprisvinnande bok Badboy: steroid baserer seg på samtalar med unge brukarar av anabole steroid.Badboy: steroid blir her presentert som ein multimedieproduksjon med spesialskriven hiphop-musikk av Erik og Kriss, filmintervju, fotokunst, lyddesign og høgtlesing av forfattaren sjølv. Elevane vert utforda til refleksjon rundt tema som doping, eteforstyrring og kroppspress.
Badboy: steroid er ein spenningsroman om 17 år gamle Casper. Han mister alt. Først luksustilværet hjå mora sin sambuar og deretter drøymedama. Lillebroren hamnar i bråk og mora sin nye kjærast invaderer kvardagen. Så dukkar Liam opp med middelet som Casper treng for å gjenvinna respekt og kontroll over eige liv. Han bestemmer seg for å bli ein «badboy».
Elevane får lasta ned ein gratis versjon av halve boka rett på mobilen og det er sett av tid til spørsmål og svar. Ein kjem inn på kor elevane kan få hjelp og svar på spørsmål knytt til kroppspress, eteforstyrringar og doping.

CAUGHT IN THE MIDDLE

Scenekunst, Trinn: VG1-VG3
Dette er ei forteljing om identitet og forbindelse mellom urfolk i Skandinavia og Australia. Kulturkløfter og kulturmøte er gjennomgåande tema. Utgangspunktet er folkegrupper på kvar si side av jorda, som begge har opplevd kolonisering og undertrykking.
Framsyninga er inspirert av livserfaringane til den aboriginske skodespelaren Heath Bergersen og dei samiske kunstnarane Elle Sofe Henriksen og Ánne Mággá Wigeli Wigelius.
Framsyninga kombinerer dans, teater og musikk som blir framført live.

DEN SORTE FLOKKEN

Visuell kunst, Trinn: VG1-VG3
Vi snakkar ofte om ungdomsåra. Med glød eller grøss. Kva forma meg? Kven møtte eg og kven gjekk eg frå? Kva høyrde til meg og kva trakk eg meg mot? Opprivande, intense år kan flytta fokus vekk frå framtid og mogelegheiter. Er det lettare å kjenna seg marginalisert i eit tilsynelatande velsmurt miljø? Korleis finn ein flokken sin?

Fotograf Marie von Krogh har følgt ein gjeng ungdommar i Stavanger gjennom fleire år. Det har blitt ein bildeserie og utstilling om tenåringsliv frå ein by som kan synast å by på det meste du kan ønska deg. Gjennom bilde og føredrag lærer elevane om korleis fotografen jobbar for å koma tett på menneska og historiene, korleis den kreative prosessen går føre seg i møte med menneska og deira personlege historie. Von Krogh vil snakka om tema som ungdomsår, stereotypar og identitet, og gi døme på korleis kunsten gjennom historia har tematisert utanforskap.
Skulane får tilbod om å ha utstillinga Den sorte flokken hengjande nokre dagar før fotografen besøker skulen. Utstillinga kan tilpassast rom på skulane.
Alternativ 1: 45 minutt bildevising og føredrag (maks 90 deltakarar).
Alternativ 2: Heildags verkstad. Målet er å få ungdommane til å tenkja over korleis bilde skapar forteljingar om andre personar, kva som definerer identitet og korleis fordommar og stereotypar oppstår. Ungdommane vil bli betre kjende med ein medelev gjennom ein-til-ein-intervju, og skal deretter portrettera medeleven på ein måte som fortel noko om eleven. Von Krogh vil også demonstrera enkle verktøy for betre fotografi, som komposisjon og bruk av naturleg lys (maks 30 deltakarar).

DIN SEKSUALITET - EN PRIVATSAK?

Kulturarv, Trinn: VG1-VG3
Ei reise i seksualtitetens kulturhistorie
Eit engasjerande, visuelt og interaktivt foredrag der dagens syn på seksualitet vert spegla i eit kulturhistorisk perspektiv. Formidlinga har stor vekt på det visuelle uttrykket og elevane vert involverte i formidlinga ved bruk av Kahoot og spørsmål undervegs.
Seksualiteten er ei brusande kraft som sparkar i gang kreativitet, initiativ og skapartrong. Likevel er den frykta, tabubelagt og skamleg. «Vi opplever seksualitet som
noe privat og personlig ingen andre har noe med.
Men i virkeligheten er det også et offentlig anliggende»
seier lærar, kurs- og foredragshaldar Kjersti Helgeland.
Korleis vi snakkar om seksualitet, om seksuelle skjellsord
og seksuell trakassering, kva har det å seie? Gjennom eksempel fra ulike kulturar og tider formidlar ho innsikt i korleis våre personlege haldningar og seksuelle åtferd vert påverka av ulike strukturar i samfunnet vårt – eller er det kanskje omvendt..?
Ein kan knyta formidlinga til læremål i ulike fag som t.d. historie, samfunnsfag, psykologi, medie- og helsefag.
Produksjonen er utvikla i samarbeid med DKS Akershus.

DOKUMENTÉR DETTE

Film, Trinn: VG1-VG3
Dokumentarfilm har som oppgåve å informera, underhalda og engasjera publikum. Som dokumentarist kan ein nytta ei rekke visuelle verkemiddel for å få fram eit bodskap.Lene Heimlund Larsen viser klipp frå to ulike dokumentarar som begge handlar om flyktningkrisa. I den prislønte italienske filmen Havet brenner observerer kameraet passivt livet på den vesle øya Lampedusa som fløymer over av desperate flyktningar. I sterk kontrast står den kontroversielle kinesiske aktivisten og samtidskunstnaren Ai Wei Wei sin film Human Flow. Ai Wei Wei deltar aktivt og engasjerer seg i flyktningane.Begge filmane tar føre seg ei aktuell global krise og dei reiser mange spørsmål. Korleis kan verda tillata desse menneskerettsbrota? Kva kan vi som samfunn gjera for å endra situasjonen? Kva skjer med dokumentaristens ønske om å få fram sanninga i eit samfunn som ein kan omtala som post-faktuelt? Kva med «fake news», kva kjelder kan ein stole på? Finst det ei objektiv sanning eller leitar dokumentaristen opp situasjonar som passar inn i eige bilete?

LARS HERTERVIG OG AUGUST CAPPELEN - romantikken i bildekunsten

Visuell kunst, Trinn: VG1-VG3
Stavanger kunstmuseum husar i vinter ei utstilling med verk av Lars Hertervig (1830–1902) og August Cappelen
(1827–1852). Me nyttar høvet til å invitera elevar til eit museumsbesøk med fokus på romantikken.
Hertervig og Cappelen var begge elevar ved Düsseldorfskulen på omlag same tida og er to av dei framste representantane innafor det romantiske landskapsmåleriet i Noreg. Medan Hertervig er mest kjend for sine naturskildringar frå Tysvær, Ryfylke og kysten langs Rogaland, skildrar Cappelen i hovudsak ulike landskapsparti frå nedre Telemark. Me kan oppleva melankoli, besjeling av ulike naturelement og det forgjengelege i naturen hjå begge kunstnarane.Kva var utgangspunktet for romantikken som periode? Korleis kan me lesa Hertervig og Cappelens landskapsskildringar som eksempel på romantikken? Kan me sjå romantiske tendensar i samtidskunsten?
Me søker å svara på spørsmåla over med føredrag, besøk av utstillinga, samtale og ei praktisk oppgåve.

MELTING

Musikk, Trinn: VG1-VG3
Veit du eigentleg kor mange gonger du kan fly til Thailand før jorda går under? Eller kor mykje CO2 det kostar å laga ei teaterforestilling?
MELTING er tre ting på ei gong; føredrag, konsert og teater. MELTING er politisk analyse, musikk framført på vinglas, og ein enorm roterande installasjon som fyller scenen og gir assosiasjonar til verdsrommet. Det handlar både om det store systemet og det vesle mennesket. 
– Kva skjer når isen smelter? Når økonomien smelter?
– Kva skjer når samfunn, velferdsstat, fellesskap, offentleg kunstfinansiering og framtidsutsiktene våre smelter?
MELTING er eit samarbeid mellom Amund Sjølie Sveen, installasjonskunstnar Lawrence Malstaf og musikarane i Slagr.

MOZARTS REKVIEM

Musikk, Trinn: VG1-VG3
– Med ungdom, for ungdom
Heile 240 unge korsongarar og musikkstudentar frå UIS står for vårens vakraste musikalske eventyr i mars 2020. Dei framfører Mozarts Requiem på eit profesjonelt nivå, og med ei medrivande ungdommeleg tilnærming. Elevar ved musikklinjene ved Stavanger Katedralskole, Skeisvang og Vågen vgs utgjer det store koret.
Dette er det tredje prosjektet under parolen “Klassisk musikk – med ungdom, for ungdom” etter minneverdige framføringar av Mozarts Requiem i 2016 og Orffs Carmina Burana i 2018. Visjonen er å gjera den klassiske musikktradisjonen levande for ungdom ved å la unge utøvarar opptre for eit ungt publikum i Stavanger Konserthus.
Når unge menneske som jobbar med musikk kvar dag møtast for å framføra eit så engasjerande verk, oppstår ein heilt unik energi som gjer dette til ei sjeldan konsertoppleving!
I starten av konserten vil musikarane og korsongarane gje ein musikalsk presentasjon av verket.
Uttrykksform
Åpne filter